Kórmeni qorytyndylaı kele, shyǵarmashylyqpen aınalysatyn 110 ustazdyń úzdik týyndylary jınaqtalǵan "BABALAR AMANATY" atty kitap jaryqqa shyqty.
Kórmeni ótkizý men kitapty shyǵarýdaǵy maqsat – Respýblıkamyzdyń túpkir-túpkirinde kórkem eńbek páninen sabaq berip júrgen daryndy 110 ustazdyń basyn qosyp, ulttyq ónerimizben, basqa da óner janrymen aınalysyp júrgen shyǵarmashyl ustazdardyń eńbekterin dáriptep, urpaqtan-urpaqqa berip kele jatqan tól ónerimizdiń qundylyqtaryn ǵasyrlar qoınaýyndaǵy sándik qoldanbaly óner janrlarymen basqa da óner túrlerin baıyta otyryp urpaqqa sanaly tárbıe berý.
Kórkem eńbek pániniń mańyzdylyǵy, qol-óner, zergerlik, sándik qoldanbaly óner túrleri bala tárbıesine, sonymen qatar babalarymyzdyń ul men qyzdy qalaı tárbıeleýde osy ulttyq ónerimizdiń negizgi atqaratyn róli óte mańyzdy bolǵan. Sondyqtan qaı óńirde ustazdyq qylyp júrse de osy kıeli ónerimizdi bir adamdaı bala tárbıesine jumyldyra bilsek, bolashaq urpaqtyń rýhanı tárbıesi men bilimi ǵasyrdan ǵasyrǵa jalǵasa beredi degen úmittemiz. Kitapqa engen ustazdardyń ishinde jas mamandarmen orta býyn ustazdar jáne zeınetke shyqsa da qol ónerimizdi bala tárbıesine arnaǵan aǵa, ápkelerimizben qart ustazdarymyzdyń da týyndylary enip otyr. Neshe jyl eńbek etken sondaı ulaǵatty ustazdarymyzdyń eren eńbekteri bolashaq urpaqqa úlgi bolyp qalyp jatsa, elimizdiń táýelsizdigi men kók týymyz máńgi jelbirep, babalar amanaty ǵasyrdan ǵasyrǵa, sanaly, salıqaly, tárbıeli urpaǵymyzdyń bolashaǵynan esh alańdamaımyz degimiz keledi. Sharany Qazaqstan Sýretshiler Odaǵynyń múshesi, №148 mektep-gımnazııa kórkem eńbek páni muǵalimi Kodekov Qanaǵat júrgizdi.
